مهزلة كرويه حكام الفجل والجرجير – محدش يسأل بقي ليه الانديه المصريه واللاعيبه ليه مش بتحب الاهلي 2016

مشاهدة
أخر تحديث : الخميس 26 مايو 2016 - 3:59 صباحًا
مهزلة كرويه حكام الفجل والجرجير – محدش يسأل بقي ليه الانديه المصريه واللاعيبه ليه مش بتحب الاهلي 2016

كل حاجه بانت اهي ، دي مهزلة كرويه عيني عينك وبجاحه ومافيش دم .

طبعا في الاول ، احب ان احي هذا الحكم الذي اعلنها بوضوح ان هناك اتفاق علي استعاده درع الدوري للجهلي ، بتقول جهلي ولا كاتبا غلط ؟ اه ياعم جهلي ولا اقولك بلاش جهلي وخليها كلاكيت تاني مره ، نشكر حكام الفجل والجرجير الذي اعلنوها صراحتآ ان الدرع للفريق الجهلاوي

افتخر ياعم الجهلاوي منك ليه انك بتكسب بالحكام ( ناس مريضه وربنآ )

مهزلة كرويه في التحكيم المصري نعيشها منذ سنين وحتي يومنا هذا

لماذا لجنه الحكام وجميع الحكام في الساحرة المستديرة لا تحترم الفرق جميعها ، وتحترم فقط فريق الاهلي ، هي مصر كلها حمرا ؟ طيب هل الحكام بيحبو التيشرت الاحمر ، طيب هل الحكام بيخافو من الاهلي ، اذا اخطأ حكم خطأ واحد علي فريق الاهلي ياويله يا سواد ليله يبقي مش هيحكم تاني للاهلي ومش بعيد الحكم يعتزل بعد الهجوم الذي سيكون عليه اذا اخطأ في حق الفريق الحمراوي .

مهزلة كرويه حكام الفجل والجرجير – محدش يسأل بقي ليه الانديه المصريه واللاعيبه ليه مش بتحب الاهلي 2016

للأسف الحكام والتحكيم المصري في الساحرة المستديرة بقي مهزلة واضحه لمصلحه فريق الاهلي فقط .

ارحمونا بقي عايزين الدوري خدوه اشبعو بيه ده احنا كا شعب بيحب الكورة فاض بينا من لجنه حكام الفجل والجرجير .

هو يعني الاهلي لازم ياخد الدوري عافية  ؟ ولا ايه يعني حاجه بقت اوفر بصراحه , سأتكلم عن فريقي وهو النادي المصري عندما تعادل الاهلي مع المصري في هذا الموسم وكان للمصري مع المدرب حسام حسن ضربه جزاء واضحه عندما سدد اللاعب احمد روؤف الكرة ثم خبطت في القائم الايمن علي يمين شريف اكرامي ، ثم تابعها اللاعب المهاجم لاعب المصرى احمد جمعه داخل منطقه الجزاء ليتك احتجازة وعرقلته داخل منطقه الجزاء ولكن الحكم عمل عبيط ومش شايف ، ايه اللي بتقوله يابني ده عمل عبيط ايه وبتاع ايه ، اه وربنا عمل نفسه من بنها ومش من هنا عشان لو كان حسب ضربه جزاء للمصري الدنيا كانت هتقوم ازاي المصري يكسب بضربه جزاء علي الاهلي ، لكن للأسف لو كان العكس صحيح والاهلي له ضربه جزاء كان سينصف فريق الاهلي .

مش هطول في الموضوع بقي عشان زهقنا من كتر الكلام في امور التحكيم هذا الموسم .

خد عندك بقي واكلين سد الحنك احنا وساكتين وبنقول كل الحكام بتغلط ومالو مش مشكله نساعدهم والكره فيها اخطاء وبتاع وعمالين نقول نكبر دماغنا وندعم الحكام والخطأ وارد وحكام العالم كلها بتغلط ، لكن بصراحه فاض بينا النهارده بعد مباراه الفريق الجهلاوي مع المقاولون العرب الذي فاز بها فريق الجهلاوي 3-0 ، وكان رجل المباراه طبعآ الحكم الذي لا يصلح حكمآ طارق سامي عندما طرد عدد 2 لاعبين من فريق المقاولون ، والذي اعطا الفوز للفريق الجهلاوي بعد الطرد طبعآ .

والله لو عايزين الدوري خدووووووو بس بلاش بجاحه كده د حتي عيني عينك كده ميصحش يخربيت كده هو انتو مبتتكسفوش ولا أيه بظبط ، هو احنا لدرجادي هنشوف كل الظلم التحكيمي ده ونستحمل ؟ ده ايه الشلل ده ياربي ، يارب توب علينا من لجنه الغندور وحكام الفجل والجرجير الذي لا يصلحو حتي تحكيميآ لكره خماسيه مع احترامي للكره الخماسيه لأني اوقات بلعب حجوزات خماسيه برده .

لكن فاض بنا الامر يا ساده يا كرام ارحموناااااااااااااااااااااااا .

اعذروني بصراحه في بعض كلماتي السابقه اذا اخطأت في كلمه او اي شيء لكن والله الواحد اتخنق من التحكيم المصري ده تعبنا علي الاخر .

وترجو تقولو ليه الانديه بتكرهه النادي الاهلي !! ماهو من اللي بنشوفو من الاهلي والحكام ياولاد الناس الطيبين .
أكد محسن صلاح رئيس نادى المقاولون العرب، أنه لا يريد الدخول فى خلافات مع أى ناد بالمسابقة، لافتاً أنه يسعى لأن يكون مثالاً يحتذى به فى الالتزام والأخلاق. أعرب رئيس المقاولون عن استيائه من أداء طارق سامى حكم مباراته أمام الأهلى، التى جمعتهما اليوم على استاد بترو سبورت ضمن منافسات الجولة 30 من عمر مسابقة الدورى العام، والتى أنتهت بفوز المارد الأحمر بنتيجة 3/0، قائلاً: “إحنا بنجتهد وبنحاول ومش بنحب المشاكل، وبنحاول نكون مثال لباقى الأندية”. أضاف محسن صلاح خلال تصريحاته لبرنامج “اللعبة الحلوة”: “لكن أنا شايف أن فيه أخطاء تحكيمية كتير جداُ فى مباراة اليوم ومش لاقى لها مبرر، والحكم أخطئ بأنه وقف فى وجه لاعبى المقاولون وهم مشدودين بعد احتساب هدف مشكوك فيه، كان واجب عليه أن يبتعد عنه، لكن هو نزل خلص على الفريق، وأهدى الماتش هدية للأهلى”.

أقسم أحمد على مهاجم المقاولون العرب، بأنه لم يتلفظ بأى لفظ خارج ضد طارق سامى حكم مباراة ذئاب الجبل والنادى الأهلى، التى جمعتهما اليوم على استاد بترو سبورت ضمن منافسات الجولة 30 من عمر مسابقة الدورى العام. أوضح مهاجم المقاولون، خلال تصريحاته لبرنامج “اللعبة الحلوة” أنه بعد هدف المارد الأحمر الأول قال للحكم: “أنتوا بتجمدوا علينا”، مشيراً إلى أن الحكم سمعها بطريقة أخرى، وأعتبرها اهانة، مؤكداً أنه فوجئ بإشهار الكارت الأحمر فى وجهه. شهدت المباراة أحداث مُثيرة وتوقفت فى الدقيقة 81 لعدة دقائق بعدما خرج أكثر من لاعب من المقاولون للإصابة بعد طرد ثنائى الفريق أحمد على وأحمد مودى.

ده احمد علي طلع في الاعلام وحلف بعياله وبيته انه مقلش لفظ خارج نطاق الخدمه ، ينطرد علي ايه مانيش عارف كل ده علشان 3 نقط علشان الجهلي يكسب ؟

توب علينا من حكام الفجل والجرجير .

رابط مختصر

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة بوعدك اليوم الالكترونية وهي تلزم بمضمونها كاتبها حصرياً.